Roqueñí diz que los parques se bateríes son necesarios "pero non como quiera"

Tomé encamienta al Principáu a "perder el mieu" y crear una empresa pública d'enerxía

La conseyera de Transición Ecolóxica, Industria y Desenvolvimientu Económicu del Principáu, Nieves Roqueñí, afirmó esti xueves que los parques de bateríes son necesarios pa la descarbonización y pa la transición ecolóxica, pero afitó que "non como quiera y en cualquier sitiu".

Roqueñí pronuncióse nestos términos dempués de que'l Principáu alcordara ayeri l'entamu del trámite pa la suspensión d'autorizaciones urbanístiques relatives a la instalación d'almacenes de bateríes en suelos non urbanizables.

La diputada del Grupu Mistu Covadonga Tomé encamentó esti xueves al Gobiernu d'Asturies a “perder el mieu de crear una empresa pública d'enerxía” yá que, según afirmó, “ye la única midida qu'asegura los precios xustos pa la ciudadanía”.